Սթիվ Ջոբսի խորհուրդներից
* Զբաղվեք սիրելի գործով: Գտեք ձեր իրական կիրքը: Աշխատանքը լավ անելու միակ միջոցը այն սիրելն է:
* Մի եղեք բոլորի նման: Մտածեք ոչ ստանդարտ: Ավելի լավ է ծովահեն լինել, քան սովորական նավաստի:
* Ինչով էլ դուք զբաղվեք, աշխատեք ամեն ինչ լավ անել: Հաջողությունը իր ետևից բերում է նոր հաջողություններ, այդ պատճառով են բոլորը ձգտում դրան: Աշխատանքի ընդունեք մարդկանց, որոնք անընդհատ ձգտում են կատարելության:
* Եղեք նախաձեռնող: Անընդհատ փնտրեք առաջ գնալու նոր հնարավորություններ: Հաճախ ամենադժվարն առաջին քայլն է: Արեք դա: Խիզախություն ունեցեք հետևելու ձեր սրտին ու կանխազգացումներին:
* Սկսեք փոքրից, բայց երազեք մեծի մասին: Միաժամանակ մի քանի բանով մի զբաղվեք: Սկսեք պարզ գործերից և աստիճանաբար անցեք ավելի բարդերին: Միշտ մտածեք ապագայի մասին:
* Ձգտեք լինել շուկայի առաջատարը: Ինչով էլ զբաղվեք, պետք է ունենաք առաջատար տեխնոլոգիաները: Եթե գոյություն ունի ավելի առաջատար տեխնոլոգիա, օգտագործեք այն` ուշադրություն չդարձնելով այն բանին, որ ուրիշները դա չեն օգտագործում: Եղեք առաջինը և դարձրեք այդ տեխնոլոգիան ձեր ոլորտի ստանդարտը:
* Կենտրոնացեք վերջնական արդյունքի վրա, մարդիկ գնահատում են գործերի արդյունքները: Եղեք որակի չափանիշ: Գովազդեք ձեր առավելությունները: Եթե պոտենցիալ հաճախորդները չիմանան դրանց մասին, նրանք չեն գնի ձեր ապրանքը: Հատուկ ուշադրություն դարձրեք դիզայնի վրա:
* Պահպանեք հետադարձ կապ ձեր գնորդների հետ: Առաջին հերթին լսեք ձեր գնորդներին: Յուրաքանչյուր մարդ ինչ-որ օգտակար բան կարող է ասել ձեզ:
* Նորարարություններ արեք: Նորարարություններն են տարբերում առաջնորդին մնացածներից: Օգտագործեք ձեր ժամանակի կեսը ինչ-որ նոր բան ստեղծելու համար: Բայց միաժամանակ կարողացեք ասել ոչ հազարավոր այլ մտքերի, որպեսզի չստացվի այնպես, որ դուք զբաղվում եք չափից ավելի շատ նորարարություններով: Կենտրոնացեք իսկապես կարևոր նախագծերի վրա: Ձեր շուրջը հավաքեք մարդկանց, ովքեր ցանկանում են ստեղծել լավագույն ապրանքներն աշխարհում:
* Դասեր քաղեք անհաջողություններից: Նորարարություններ անելով դուք սխալներ եք թույլ տալու: Ամենաճիշտը դրանք շուտ ընդունելն է, և եթե պարզվի, որ տվյալ ուղղությունը փակուղի է տանում, ձեր ջանքերն ուղղեք այլ ուղղությամբ:
* Անընդհատ սովորեք: Միշտ էլ կա “ինչ-որ մի բան”, որը պետք է իմանալ: Սովորեք գնորդներից, մրցակիցներից ու գործընկերներից: Եթե ձեր գործընկերը ձեզ դուր չի գալիս, սովորեք սիրել նրան: Գտեք մի բան, ինչի համար նրան կարելի է գովաբանել ու օգուտ քաղեք դրանից: