093 33 73 94 
Հատած կոնի կողմնային մակերևույթ
Հատած կոնի կողմնային մակերևույթի մակերեսը
Հատած կոնի լրիվ մակերևույթի մակերեսը
♦ Կոնն իր առանցքին ուղղահայաց հարթությամբ հատելիս տրոհվում է կոնի և հատած կոնի: Սկզբնական կոնի հիմքը և հատույթում առաջացած շրջանը կոչվում են հատած կոնի հիմքեր, իսկ նրանց կենտրոնները միացնող հատվածը` հատած կոնի բարձրություն:
♦ Կոնի ծնորդների այն հատվածները, որոնք ընկած են հիմքերի միջև, կոչվում են հատած կոնի ծնորդներ:
♦ Կոնական մակերևույթի այն մասը, որը սահմանափակում է հատած կոնը, կոչվում է հատած կոնի կողմնային մակերևույթ:
♦ Հատած կոնի կողմնային մակերևույթի մակերեսը` Sկողմ․=\(\pi \left( {R + {R_1}} \right)\,l\), որտեղ l-ը հատած կոնի ծնորդն է, իսկ R-ը և R1-ը` հիմքերի շառավիղները:
♦ Հատած կոնի լրիվ մակերևույթի մակերեսը հավասար է կողմնային մակերևույթի և հիմքերի մակերեսների գումարին` Sլրիվ=\(\pi \left( {R + {R_1}} \right)\,l + \pi {R^2} + \pi R_1^2\):
♦ H բարձրությամբ և R1 ու R2 հիմքերի շառավիղներով հատած կոնի ծավալը հաշվվում է հետևյալ բանաձևով. \(V = \frac{1}{3}H(\pi {R^2} + \pi R_1^2 + \pi RR_1^{})\):
