Անկյուն

Անկյուն
Անկյան կիսորդ
հատկությունը
Փռված անկյուն
Մեկ աստիճանի անկյուն
Րոպե
Վայրկյան
Կից անկյուններ
հատկությունը
Հակադիր անկյուններ
հատկությունը

♦ Անկյունը երկրաչափական պատկեր է, որը բաղկացած է կետից և այդ կետից ելնող երկու ճառագայթներից:

2 1

♦ Անկյան գագաթից ելնող և այն երկու հավասար անկյունների բաժանող ճառագայթը կոչվում է անկյան կիսորդ:

2 2

♦ Անկյան կիսորդի յուրաքանչյուր կետ հավասարահեռ է անկյան կողմերից:

♦ Անկյան ներսում գտնվող յուրաքանչյուր կետ, որը հավասարահեռ է նրա կողմերից, գտնվում է անկյան կիսորդի վրա:

2 3

♦ Փռված անկյունը այն անկյունն է, որի կողմերը գտնվում են միևնույն ուղղի վրա:

2 4

♦ Փռված անկյան աստիճանային չափը 180° է:

2 5

♦ Մեկ աստիճանի անկյունն այն անկյունն է, որը հավասար է փռված անկյան \(\frac{1}{180}\) մասին:

♦ Աստիճանի \(\frac{1}{60}\) մասը կոչվում է րոպե:

♦ Րոպեի \(\frac{1}{60}\) մասը կոչվում է վայրկյան:

♦ Հավասար անկյուններն ունեն հավասար անկյունային չափ:

♦ Ավելի փոքր անկյունն ունի ավելի փոքր անկյունային չափ:

♦ Երբ ճառագայթն անկյունը բաժանում է երկու անկյունների, ամբողջ անկյան աստիճանային չափը հավասար է այդ անկյունների աստիճանային չափերի գումարին:

2 6

♦ Երկու անկյուններ, որոնց մի կողմն ընդհանուր է, իսկ մյուս երկուսը մեկը մյուսի շարունակությունն են, կոչվում են կից անկյուններ:

2 7

♦ Կից անկյունների գումարը 180° է:

2 8

♦ Հակադիր անկյուններ կոչվում են այն երկու անկյունները, որոնցից մեկի կողմերը մյուսի կողմերի շարունակություններն են:

2 9

♦ Հակադիր անկյունները հավասար են:

2 10

Մաթեմատիկայի տեղեկատու