Սահմանումը

Աքսիոմը

Հատկությունները

Հայտանիշները

♦ Երկու ուղիղներ հարթության վրա կոչվում են զուգահեռ, եթե նրանք չեն հատվում:

♦ Տրված ուղղի վրա չգտնվող կետով այդ ուղղին կարելի է տանել զուգահեռ ուղիղ, այն էլ միայն մեկը:

Զուգահեռ ուղիղների հատկությունները

♦ Եթե ուղիղը հատում է երկու զուգահեռ ուղիղներից մեկը, ապա հատում է նաև մյուսը:

♦ Եթե երկու ուղիղներ զուգահեռ են երրորդին, ապա նրանք զուգահեռ են միմյանց:

♦ Եթե երկու զուգահեռ ուղիղներ հատված են հատողով, ապա խաչադիր անկյունները հավասար են:

♦ Եթե երկու զուգահեռ ուղիղներ հատված են հատողով, ապա համապատասխան անկյունները հավասար են:

♦ Եթե երկու զուգահեռ ուղիղներ հատված են հատողով, ապա միակողմանի անկյունների գումարը 180° է:

♦ Եթե ուղիղն ուղղահայաց է երկու զուգահեռ ուղիղներից մեկին, ապա այն ուղղահայաց է նաև մյուսին:

 Ուղիղների զուգահեռության հայտանիշներ

♦ Եթե երկու ուղիղներ հատողով հատելիս խաչադիր անկյունները հավասար են, ապա ուղիղները զուգահեռ են:

♦ Եթե երկու ուղիղներ հատողով հատելիս համապատասխան անկյունները հավասար են, ապա ուղիղները զուգահեռ են:

♦ Եթե երկու ուղիղներ հատողով հատելիս միակողմանի անկյունների գումարը 180° է, ապա ուղիղները զուգահեռ են:

Հարթաչափություն