Տարակողմ եռանկյուն

♦ Եռանկյուն է կոչվում այն պատկերը, որը կազմված է մի ուղղի վրա չգտնվող երեք կետերից և այդ կետերը զույգ առ զույգ միացնող հատվածներից: Այդ կետերը կոչվում են եռանկյան գագաթներ, իսկ հատվածները` եռանկյան կողմեր:

9 1

♦ Եռանկյան երեք կողմերի երկարությունների գումարը կոչվում է եռանկյան պարագիծ:

9 2

♦ Եռանկյան անկյունների գումարը 180° է:

9 3

♦ Եռանկյան որևէ անկյանը կից անկյունը կոչվում է արտաքին անկյուն:

9 4

♦ Արտաքին անկյունը հավասար է իրեն ոչ կից երկու անկյունների գումարին:

9 5

♦ Եռանկյան ավելի մեծ կողմի դիմաց գտնվում է ավելի մեծ անկյուն և հակառակը, ավելի մեծ անկյան դիմաց գտնվում է ավելի մեծ կողմ:

9 6

♦ Եռանկյան յուրաքանչյուր կողմը փոքր է մյուս երկու կողմերի գումարից:

9 7

♦ Ցանկացած եռանկյան կարելի է ներգծել շրջանագիծ, այն էլ միայն մեկը:

9 8

♦ Ներգծած շրջանագծի կենտրոնը եռանկյան կիսորդների հատման կետն է:

♦ Եռանկյանը ներգծած շրջանագծի շառավիղը հավասար է նրա մակերեսի և կիսապարագծի հարաբերությանը` \(r = \frac{S}{p}\), որտեղ \(p = \frac{{a + b + c}}{2}\):

9 9

♦ Ցանկացած եռանկյան կարելի է արտագծել շրջանագիծ, այն էլ միայն մեկը:

9 10

♦ Արտագծած շրջանագծի կենտրոնը եռանկյան կողմերի միջնուղղահայացների հատման կետն է:

♦ Եռանկյանն արտագծած շրջանագծի շառավիղը հավասար է եռանկյան կողմերի արտադրյալի և մակերեսի քառապատիկի հարաբերությանը` \(R = \frac{{abc}}{{4S}}։\) Տես նաև հաջորդը` սինուսների թեորեմը:

9 11

♦(Սինուսների թեորեմը) Եռանկյան կողմի հարաբերությունը իր դիմացի անկյան սինուսին տվյալ եռանկյան համար հաստատուն մեծություն է և հավասար է նրան արտագծած շրջանագծի տրամագծին:

9 12

♦(Կոսինուսների թեորեմը) Եռանկյան կողմի քառակուսին հավասար է մյուս երկու կողմերի քառակուսիների գումարից հանած այդ կողմերի և նրանց կազմած անկյան կոսինուսի կրկնակի արտադրյալը:

9 13

♦ Եռանկյունը, որի բոլոր անկյունները սուր են, կոչվում է սուրանկյուն եռանկյուն:

♦ Եթե եռանկյան ամենամեծ կողմի քառակուսին փոքր է մյուս կողմերի քառակուսիների գումարից, ապա այն սուրանկյուն եռանկյուն է:

9 14

♦ Սուրանկյուն եռանկյանն արտագծած շրջանագծի կենտրոնը գտնվում է եռանկյան ներսում:

9 15

♦ Եռանկյունը, որի անկյուններից մեկը բութ է կոչվում է բութանկյուն եռանկյուն:

♦ Եթե եռանկյան ամենամեծ կողմի քառակուսին մեծ է մյուս կողմերի քառակուսիների գումարից, ապա այն բութանկյուն եռանկյուն է:

9 16

♦ Բութանկյուն եռանկյանն արտագծած շրջանագծի կենտրոնը գտնվում է եռանկյունուց դուրս:

9 17

Հարթաչափություն

Մաթեմատիկայի տեղեկատու

Երկրաչափության տեղեկատու

Ֆիզիկայի տեղեկատու

Մարզիչներ 5

Մարզիչներ 6

Մուտքկամ գրանցում

ԳրանցումՄուտք

Նրանքսիրում են mathnet.am-ը

Հեղինակիվիդեոները