Սահմանումը

Հավասարասրուն սեղան

    հատկությունները

    հայտանիշները

Ուղղանկյուն սեղան

Միջին գծի հատկությունը

Մակերեսի բանաձևեր

Սեղանին ներգծած շրջանագծի շառավրղը

♦ Սեղան է  կոչվում այն քառանկյունը, որի երկու կողմերը զուգահեռ են, իսկ մյուս երկու կողմերը` ոչ: Զուգահեռ կողմերը կոչվում են հիմքեր, իսկ մյուս կողմերը` կողմնային կողմեր:

 Հավասարասրուն սեղան

♦ Սեղանը կոչվում է հավասարասրուն, եթե նրա կողմնային կողմերը (սրունքները) հավասար են:

♦ Հավասարասրուն սեղանի յուրաքանչյուր հիմքին առընթեր անկյունները հավասար են: Անկյունագծերը նույնպես հավասար են:

♦ Եթե CK-ն ABCD հավասարասրուն սեղանի բարձրությունն է, ապա

♦ Եթե CK-ն ABCD հավասարասրուն սեղանի բարձրությունն է (h), ապա նրա մակերեսը կարելի է հաշվել \(S = AK \cdot h\) բանաձևով:

♦ Փոխուղղահայաց անկյունագծերով հավասարասրուն սեղանի մակերեսը հավասար է բարձրության կամ միջին գծի քառակուսուն՝ \(S = {h^2} = {l^2}\)։ 

♦ Եթե սեղանի հիմքին առընթեր անկյունները հավասար են, ապա սեղանը հավասարասրուն է:

♦ Եթե սեղանի անկյունագծերը հավասար են, ապա սեղանը հավասարասրուն է:

♦ Շրջանագծին ներգծած սեղանը հավասարասրուն է:

♦ Սեղանը, որի անկյուններից մեկն ուղիղ է, կոչվում է ուղղանկյուն սեղան:

♦ Սեղանի կողմնային կողերի միջնակետերը միացնող հատվածը կոչվում է սեղանի միջին գիծ:

♦ Սեղանի միջին գիծը զուգահեռ է սեղանի հիմքերին և հավասար է նրանց կիսագումարին:

♦ Սեղանի մակերեսը հավասար է հիմքերի կիսագումարի և բարձրության արտադրյալին. \(S = \frac{{a + b}}{2}h\):

♦ Սեղանի մակերեսը հավասար է միջին գծի և բարձրության արտադրյալին:

♦ Սեղանի մակերեսը հավասար է նրա անկյունագծերի և նրանցով կազմված անկյան սինուսի արտադրյալի կեսին:

♦ Եթե սեղանին հնարավոր է ներգծել շրջանագիծ, ապա այդ շրջանագծի շառավիղը հավասար է սեղանի բարձրության կեսին:

Հարթաչափություն