Թեմա: Ֆորումի վերաբերյալ հաղորդագրություններ

Այս թեման պարունակելու է ադմինիստրատորի հաղորդագրությունները` կապված ֆորումի հետ:
Գրառումներ այստեղ չեք կարող կատարել:

Հարգելի մասնակիցներ, երկու օր առաջ ֆորումը թարմացվեց: Նոր տարբերակն ունի բազմաթիվ առավելություններ, մասնավորապես, կարող եք օգտվել “Օգնություն” կամ “Հաճախ տրվող հարցեր” (ՀՏՀ) բաժնից, որն առայժ մի նյութ է պարունակում` “Ինչպե՞ս գրանցվել”: Կավելանան նաև այլ օգնություններ:
Զբաղված լինելով ֆորումի թարմացման աշխատանքներով` ես ավելի պասիվ եմ մասնակցել ֆորումի աշխատանքներին: Թարմացման աշխատանքը հիմնականում ավարտվել է, բայց որոշ շտկումների կարիք դեռ կա: Խնդրում եմ ըմբռնումով մոտենալ դեռ առկա թերություններին` որոշ կոճակներ դեռ անգլերենով են:

Ֆորումի հարգելի մասնակիցներ,
"Խորհուրդ է տալիս մասնագետը" բաժնի առանձնահատկությունն այն է, որ այստեղ ներկայացվելու են նյութեր, որոնք օգնելու են աշակերտներին և կոլեգաներին: Դրանք կարող են լինել ինչ-որ խնդիրների լուծումներ, ինչ-որ մեթոդական խորհուրդներ: Հետևաբար պետք չէ առաջարկել ինչ-որ բան և սպասել մյուսների արձագանքին: Ներկայացրեք խնդրի ձեր լուծումը կամ ձեր խորհուրդը, եթե կարծում եք, որ այդ նյութը հետաքրքիր է շատերի համար և դուք էլ բավականին լավ լուծում կամ մեթոդ եք առաջարկում: Հետագայում մյուսները գուցե կարձագանքեն` առաջարկելով ավելի լավ կամ վատ տարբերակ:
Առաջարկում եմ նաև նյութերը գնահատել` համապատասխանաբար բարձրացնելով կամ իջեցնելով առաջարկողի վարկանիշը: Դրա հնարավորությունը դուք ունեք:
Նաև petmat-ին կարելի խնդրել ներկայացնի a^b-ն և b^a-ն համեմատելու խնդրի լուծումը: Նա ընդունել էր Levon-ի առաջարկը կապված e^pi-ն և pi^e-ն համաեմատելու հետ, բայց փոխանակ ներկայացներ դրա լուծումը առաջարկել է ավելի ընդհանուր խնդիր: Խնդիրում եմ փորձեք ավելի շատ և ավելի շատերին օգտակար լինել, քան թե շատ բարդացնել: Անհրաժեշտություն կլինի ավելի բարդի կամ ընդհանուր մասին խոսելու, կխոսենք:

Հարգելի այցելուներ
Գրանցվելիս անպայման նշեք գոյություն ունեցող էլեկտրոնային հասցե, հակառակ դեպքում գրանցումը չի իրականանա: Ես այդպիսի սխալների մասին բազմաթիվ նամակներ եմ ստացել և այդ պատճառով մի անգամ ևս հիշեցնում եմ այդ մասին:

Մի հարցի մասին ևս` ինչպե՞ս "ջնջվել" mathnet.am կայքից կամ ֆորումից :
Եթե որևէ մեկը նման ցանկություն ունենա, թող այդ մասին գրի This email address is being protected from spambots. You need JavaScript enabled to view it. հասցեով:
Նամակը ստանալուց հետո նրա գրանցման տվյալները կջնջվեն:

Հարգելի այցելուներ
կայքում գրանցվելու հետ կապված տեխնիկական պրոբլեմ կար, որը ես պատահաբար նկատեցի:
Հիմա պրոբլեմը վերացված է և կարող եք գրանցվել: Ստեղծված անհարմարության համար ներողություն եմ խնդրում:
Ասեմ նաև, որ եթե որևէ մեկը այդ մասին հայտնած լիներ This email address is being protected from spambots. You need JavaScript enabled to view it. հասցեով, ապա պրոբլեմը ավելի շուտ վերացված կլիներ:


28.08.2011

Ֆորումի "ՕԳնություն" բաժնում ամեն մի խնդրի համար արդեն մի առանձին թեմա էր բացվում, որը և անհասկանալի է, և անթույլատրելի: Մի քանի անգամ նման բաները ես կարգավորել էի` միավորելով "Օգնիր ինձ" թեմայի հետ: Բայց վերջերս դրանք շատացել էին, ես էլ ժամանակ չունենալու պատճառով հետաձգում էի դրանց անդրադառնալը: Այդ վիճակի համար նույնիսկ դիտողություն-առաջարկ եղավ Einshtein-ի կողմից:

Ուզում եմ հայտնել, որ բոլոր նման թեմաները տեղափոխվել են "Օգնեք ինձ" թեմա:

Այսուհետև այն հարցերն ու խնդիրները, որոնց համար նոր թեմաներ կբացվեն, առանց հաշվի առնելու դրանց համար անհրաժեշտ թեմայի առկայությունը, ուղակի կջնջվեն:

Ուզում եմ նաև բոլորին տեղեկացնել, որ կայքը ստեղծվել և գործում է միայն իմ ժամանակի, էներգիայի ու ֆինանսների հաշվին, չի ունեցել և չունի ոչ մի հովանավոր կամ գրանտային ինչ-որ ֆինանսավորում: