Թեմա: Ունե՞նք բավարար քանակի որակյալ մանկավարժներ

Հարգելի Արարատ, դասարան մտնելուց առաջ չեն պատրաստվում, որովհետև այդպիսի ուսուցիցները ոչ պատասխանատվություն ունեն իրենց գործի, ոչ էլ այն սերնդի նկատմամբ, որին իբր թե կրթում են (գոնե այս վերջինը պիտի ունենային!): Առհասարակ այսօր տարածված հիվանդություն է անպատասխանատվությունը:

Այս իրավիճակը որպեսզի շտկվի, անհրաժեշտ է գումար ներդնել կրթության ոլորտում, ուսուցչի աշխատավարձը բարձրացնել էականորեն (միևնույն ժամանակ ավելացնելով ուսուցչի մասնագիտական գիտելիքների վրա դրվող պահանջները և հսկողությունը, որ այդ պահանջները կատարվեն), ասենք, ոչ թե 30000 դրամով, այլ 3 անգամ, որպեսզի լավ սովորող երեխաները շահագրգռված լինեն ուսուցիչ դառնալ, նաև որպեսզի դպրոցներում դասավանդեն այն լավ մասնագետները, որոնք այսօր գումար հայթհայթելով են զբաղված հաճախ ոչ իրենց մասնագիտությամբ: Մի խոսքով, համաձայն եմ ձեզ հետ, որ էնտուզիազմի վրա հույս դնել չի կարելի:

Համաձայն եմ Ձեզ հետ, միայն մի լրացում: Ոչ միայն անպատասխանատվությունը , այլև ԱՆՏԱՐԲԵՐՈՒԹՅՈՒՆԸ,որը խոցի նման տարածվել է մեր կյանքի բոլոր բնագավառներում:

naghekyan-ի խոսքերից
Իսկ եթե նոր ուսուցչին ևս, ինչպես հնին, տնօրենն ասի նույն խոսքերը, թե ինձ լավ մասնագետ պետք չէ? Դրանք իրոք ասված խոսքեր են, իրականություն: Արդյունքում մենք կորցրեցինք և կորցնում ենք շատ լավ մասնագետներ:Միայն աշխատավարձը բարձրացնելը անհրաժեշտ, բայց ոչ բավարար պայման է, որ դպրոցն արթնանա քնից: Չէ որ նոր են դա արել և ոչինչ չի փոխվել: Ընդհակառակը, որոշ մարդկանց ախորժակն ավելի է լավանում:Դպրոցին անհրաժեշտ են արմատական փոփոխություններ: Դա պետական մակարդակի գործ է: Երբ վերևներին պետք լինեն լավ մասնագետներ, նոր կսկսեն մտածել լավ դպրոցի մասին: Իսկ կլինեն արդյոք?

Այս հարցում իմ բախտը բերել է: Մեր դպրոցի ուսուցիչները բարեխիղճ ու որակյալ են:

Ասեմ, որ հաճելի է լսել այդպիսի բառեր և ասեմ, որ ես ծանոթ եմ <<ուսուցիչ>> խավին:Եղած պայմանների համեմատ մեր ուսուցիչները վատ չեն աշխատում: Ուղղակի մի քիչ մասնագիտական որակի հարց կա: Այսինքն` պարտաճանաչ են,հիմնականում, բայց պետք է տրամաբանական կողմին շատ ուշադիր լինեն:

Հարցը դրված է այսպես. << Ունե՞նք բավարար քանակի որակյալ մանկավարժներ>>:
Իմ կարծիքով այս հարցը ունի միանշանակ պատասխան , հետևաբար քննարկման ենթակա չէ: Ուրիշ հարց է, թե ինչու? այսպես ստացվեց:

"Առավոտ"-ը հիշեցնում է, որ օգոստոսի 25-ին Իջևանի ավագ դպրոցում ուսուցիչների թափուր տեղի համար մրցույթում մասնակից 19 հավակնորդ-ուսուցչից ընտրվել էր միայն մեկը` հայոց լեզվի և գրականության մասնագետ. մնացած առարկաների մասնագետները չէին կարողացել հանձնել քննությունը:
"Կայացել է երկրորդ մրցույթը պատմության, անգլերենի և մաթեմատիկայի ուսուցիչների մեկական թափուր տեղի համար: Այս անգամ պատմության ուսուցչի թափուր տեղի համար դիմել է 15 հոգի, մրցույթին մասնակցել է 11-ը և միայն մեկն է հաղթահարել քննական արգելքը, ճիշտ պատասխանել առաջադրված 40 հարցից 32-ին` հարցերի 80 տոկոսին: Նա հաջողությամբ է հանձել նաև բանավոր քննությունը:
Անգլերենի և մաթեմատիկայի ուսուցիչների մեկական թափուր տեղերի համար դիմել և քննությանը մասնակցել է 4-ական թեկնածու: Անգլերենի քննության 4 մասնակիցներից 2-ն են դրական արդյունք ստացել, իսկ ահա մաթեմատիկայի 4 հավակնորդներից և ոչ մեկը, ինչպես և առաջին մրցույթի ժամանակ, չի կարողացել հանձնել գրավոր քննությունը",- գրում է թերթը: