Թեմա: Օգնեք ինձ

Եթե դժվար չէ խնդրում եմ օգնեք ինձ:
1.Ապացուցել, որ ա. ուղիղ պրիզմայի բոլոր կողմնային նիստերը ուղղանկյուններ են, բ. կանոնավոր պրիզմայի բոլոր կողմնային նիստերը հավասար ուղղանկյուներ են:
2.Ուղղանկյունանիստի հիմքի կողմերն են 12սմ և 5սմ: Ուղղանկյունանիստի անկյունագիծը հիմքի հարթության հետ կազմում է 45 աստիճան անկյուն: Գտնել ուղղանկյունանիստի կողմնային կողերը:
3.Ուղիղ զուգահեռանիստի հիմքը շեղանկյուն է, որի անկյունագծերը 10 և 24սմ են: Գտնել զուգահեռանիստի
մեծ անկյունագիծը:
Հ.Գ. գիտեմ, որ հեշտ խնդիրներ են, բայց ես սովորում եմ հումանիտար հոսքում ու ինձ համար դժվար են....... Եթե հնարավոր է մինչև 24.01.11թ ժամը 12-ը խնդիրները լուծված լինեն անչափ շնորհակալ կլինեմ: Նախապես շնորհակալություն:

Դուք առաջին անգամ եք օգնություն խնդրում: Այդ պատճառով չեմ մերժում: Բայց տպավորությունն այն է, որ ինքներդ առանձնապես ջանք չեք գործադրել դրանք լուծելու համար:
3-րդ խնդիրը թերի է` տվյալ է պակասում: Ահա 1-ին խնդրի լուծումը:

Շատ շնորհակալություն:

12-րդ դասարանի համար նախատեսված գրքում կա խնդիր, որը լուծելիս հիշեցի մի բանաձև:Կուզեյի իմանալ բանաձևը ճի՞շտ եմ հիշում:Եթե այո,որտե՞ղ կարող եմ գտնել ապացույցը:

Բանաձևը սխալ է, և դրանում համոզվելը դժվար չէ:
Նախ ինչքան հասկացա մյու-ի փոխարեն պիտի բետա լինի: Բայց գլխավորը դա չէ:
Բանաձևը պիտի ճիշտ լիներ նաև մասնավոր` ուղղանկյունանիստի դեպքում, բայց ճիշտ չէ:
Բացի այդ, բանաձևը պիտի ճիշտ լիներ ալֆայի, բետայի ու գամմայի տեղերը փոխելիս. դա նույնպես տեղի չունի:

Խնդրում եմ օգնեք այս 2 խնդիրները:
1.Ուղիղ պրիզմայի հիմքը ուղղանկյուն եռանկյուն է φ սուր անկյունով: Այդ անկյան դիմացի էջով և տվյալ էջին հանդիպակաց` մյուս հիմքի գագաթով տարված է հատույթ, որը հիմքի հարթության հետ կազմում է θ անկյուն: Գտեք պրիզմայի կողմնային մակերևույթի մակերեսի և այդ հատույթի մակերեսի հարաբերությունը:
Ես արդեն գծել եմ առաջին խնդրի գծագիրը:
2.Քառանկյուն թեք պրիզմայի կողմնային կոզը 12սմ է, իսկ ուղղահայաց հատույթը շեղանկյուն է, որի կողմը 5սմ է: Գտնել պրիզմայի կողմնային մակերևույթի մակերեսը:
Նախապես շնորհակալություն:

Juli, քո այս հարցերի և հետագա շատ հարցերի պատասխանները կգտնես Գ.Վ.Աղեկյան "Երկրաչափություն 9-10. լուծումներ" գրքում: Այն վաճառվում է հանրապետության հրապարակի "Նոյան տապան" գրախանութում:(9-10 դա նախորդ տարինների իմաստով է, այսինքն տարածաչափության մասն է):

Գտա, ավելի ճիշտ հիշեցի այն մարդուն, ումից իմացել եի բանաձևը: