Թեմա: Օգնեք ինձ

Բարև Ձեզ: Խնդրում եմ, օգնեք:
Ինձ հարկավոր է սահմանում՝ «Պատկերների հեռվորությունը տարածությունում»

Եթե A₁-ը պատկանում է F₁ պատկերին, իսկ A₂-ը պատկանում է F₂ պատկերին, ապա A₁ և A₂ կետերը կոչվում են մոտակա կետեր, եթե ցանկացած X₁ և X₂ կետերի համար, որոնք համապատասխանաբար պատկանում են F₁և F₂ պատկերներին, A₁A₂-ը փոքր կամ հավասար է X₁X₂-ից:

F₁և F₂ պատկերների հեռավորություն կոչվում է նրանց մոտակա կետերի հեռավորությունը, եթե այդպիսիք գոյություն ունեն:

Հարգելի ֆոռումակիցներ ինձ շատ շտապ օգնություն է հարկավոր խնդրում եմ օգնեք ինձ գրելով այս 2 խնդիրների լուծումը, մինչև կկարողանամ ձեռք բերել Աթանասյանի գրքի խնդրի լուծումները:
Խնդիր. Կանոնավոր քառանկյուն բուրգի հիմքին զուգահեռ հարթությունը տրոհում է բուրգի բարձրութոյւնը 1:2 հարաբերությամբ՝ հաշված բուրգի գագաթից: Ստացված հատած բուրգի հարթագիծը 4դմ է, իսկ նրա լրիվ մակերևույթի մակերեսը՝ 186դմ²: Գտնել հատած բուրգի բարձրությունըԱյս խնդիրը Աթանասյանի գրքում գտնվում է 81-րդ էջում և 268 խնդիրն է)
Խ.267 էջ 81. Բուրգը հատած է հիմքին զուգահեռ հարթությամբ: Ապացուցել, որ բուրգի կողմնային կողերը և բարձրությունը այդ հարթությամբ տրոհվում են համեմատական մասերի:
Նախապես հայտնում եմ իմ խորհին շնորհակալությունը: Ես Ձեզանից անչափ շնորհակալ կլինեմ եթե ինձ օգնեք ես վաղը ևեթ ձեռք կբերեմ լուծումները և այլևս Ձեզ չեմ անհանգստացնի:

Եթե դեռ ձեռք չեք բերել այդ գիրքը, ապա որպես ցուցում ասեմ, որ պետք է օգտվել նմանության գաղափարից: Եթե, փորձեք ու չստացվի, կարղ ենք ձեր` արդեն արած քայլերը քննարկել և միասին լուծել ֆորումում: Կարծում եմ, որ շատ գրավիչ առաջարկ է, եթե ուզում եք լուծել, այլ ոչ թե լուծումը:

Հարգելի պարոն Գագիկ Աղեկյան, ներողություն Շարիգինի գրքի խնդիրների լուծումներում, որը Դուք տեղադրել եք ներբեռնումներ բաժնում այդտեղ «Հատած բուրգ» բաժնի խնդիր 14-ը հենց 14-ին է համապատասխանում թե? ոչ և եթե Ձեզ համար դժվար չէ կարող եք «Հատած բուրգ» բաժնի 16-րդ խնդրի լուծումը տեղադրեք?
Հարգանքներով Անի

Այո, Անի դա 14 խնդրի լուծումն է: Երկրորդ դեպքի հաշվարկը մինչև վերջ չի արված: Եվ արվածից պարզ է, որ կանոնավոր եռանկյանն առգծած շրջանագծի շառավիղը հավասար է առաջին դեպքում այդ եռանկյանը ներգծած շրջանագծի շառավղին: Ավելացնեմ մի հուշում ևս.եթե կանոնավոր եռանկյանն առգծած շրջանագծի շառավիղը r է, ապա այդ եռանկյան բարձրությունը 2r է: Կարծում եմ արդեն այդ եռանկյան մակերեսը հաշվելը դժվար չէ:

16-երորդ խնդրի լուծման փոխարեն տեղադրում եմ մի փոքր այլ խնդրի լուծում` քո խնդրում a-ն, b-ն է տված H-ն է պետք գտնել, այստեղ a-ն, H-ն է տված b-ն է պետք գտնել, մնացած ամեն ինչ նույն է: Փաստորեն, ըստ էության նույն խնդիրն է:

Հարգելի պարոն Աղեկյան ես Ձեզ եմ դիմում մի մեծ խնդրանքով եթե Ձեզ համար դժվար չէ կարող ե?ք տեղադրել այս խնդրի լուծումը, քանի որ ես այս խնդիրը ընդհանրապես չհասկացա:
Կանոնավոր եռանկյուն բուրգի նիստերի վրա որպես հիմքերի՝ նրանից դուրս կառուցված են կանոնավոր բուրգեր: Այդ բուրգերի(եռանկյուն բուրգի նիստերին հակադիր) գագաթների հարթ անկյունները ուղիղ են: Դիտարկենք եռանկյուն բուրգով և նշված բուրգերով կազմված բազմանիստը: Քանի նիստ ունի այն և ինչպես է կոչվում այն: Պատասխան՝ խորանարդ
Ես կարծում եմ որ պետք է պատկերենք եռանկյուն բուրգ և այդ բուրգի կողմնային կողմերի կազմած եռանկյուններին զուգահեռ պատկերենք կանոնավոր բուրգ և միացնենք գագաթները: Խնդրում եմ գրեք այս խնդրի լուծումը և եթե կարելի է ասեք թե արդյոք ճիշտ եմ մտածում թե ոչ և եթե ոչ ես կնայոեմ Ձեր տեղադրած լուծումը և կհասկանամ, իսկ եթե նույնիսկ Ձեր տեղադրած լուծումից հետո ինձ մոտ առաջանան հարցեր կարող եմ դիմել Ձեզ?
Հարգանքներով Ջուլիետա

Նայեք Շարիգինի 10-րդ դասարանի դասագրքի էջ 103-ի 83 նկարը:
Հոծ կապույտ կողերով բուրգը ավելացված բուրգերից մեկն է: